دنیا بھر کے مسلمان مذہبی واقعات اور تہواروں (عید الفطر، عید الاضحیٰ) کی تاریخوں کا تعین کرنے کے لیے اسلامی کیلنڈر جسے ہجری یا قمری کیلنڈر بھی کہا جاتا ہے کا استعمال کرتے ہیں۔
اسلامی کیلنڈر 12 قمری مہینوں پر مشتمل ہے۔ جب نیا چاند نظر آتا ہے تو نیا اسلامی مہینہ شروع ہو جاتا ہے لیکن دیسی کیلنڈر کے مہینے اور عیسوی کیلنڈر کے مہینے چاند کی زمین کے گرد گردش پر انحصار نہیں کرتے۔ اس لیے ہجری کیلنڈر میں ایک قمری سال دیسی اور عیسوی کیلنڈروں کے مقابلے میں تقریباً دس دن چھوٹا ہوتا ہے اور ہجری کیلنڈر کسی بھی مقررہ موسم کے مطابق نہیں چلتا۔ ذیل میں بارہ اسلامی مہینوں کے نام اردو، عربی اور انگلش میں بیان کیے گئے ہیں۔
- محرم (ٱلْمُحَرَّم) Muḥarram
- صفر (صَفَر) Safar
- ربیع الاول (رَبِيع ٱلْأَوَّل) Rabi al Awwal
- ربیع الثانی (رَبِيع ٱلْآخِر) Rabi al Akhir
- جمادی الاول (جُمَادَىٰ ٱلْأُولَىٰ) Jumada al Awwal
- جمادی الثانی (جُمَادَىٰ ٱلْآخِرَة) Jumada al Akhirah
- رجب (رَجَب) Rajab
- شعبان (شَعْبَان) Shaban
- رمضان (رَمَضَان) Ramadan
- شوال (شَوَّال) Shawwal
- ذوالقعدہ (ذُو ٱلْقَعْدَة) Dhu al Qadah
- ذوالحجہ (ذُو ٱلْحِجَّة) Dhu al Hijja
کچھ علماء محرم کو محرم الحرام، صفر کو صفر المظفر، رجب کو رجب المرجب، شعبان کو شعبان المعظم، رمضان کو رمضان المبارک اور شوال کو شوال المکرم بھی کہتے ہیں۔