دھان جسے عام طور پر مونجی بھی کہا جاتا ہے ایک اہم نقد آور فصل ہے۔ پاکستان میں وسیع رقبے پر گندم کی کاشت، مکئی کی کاشت اور کپاس کی کاشت کے ساتھ دھان کی کاشت بھی کی جاتی ہے۔ پنجاب میں دھان کی باسمتی اقسام جیسا کہ باسمتی 370، شاہین باسمتی، باسمتی پاک، سپر باسمتی، باسمتی 2000، باسمتی 515، کسان باسمتی، پنجاب باسمتی، چناب باسمتی، سپر باسمتی 2019، سپر گولڈ اور غیر باسمتی اقسام جیسا کہ پی کے 1121 ایرومیٹک، پی کے 386، پی کے 2021 وغیرہ کامیابی سے کاشت کی جاتی ہیں اور ان اقسام کو مجموعی طور پر فائن اقسام بھی کہتے ہیں۔
فائن اقسام کے علاوہ کورس اقسام جیسا کہ اری 6، کے ایس کے 434، کے ایس282، کے ایس کے 133 اور دوغلی اقسام پی ایچ بی 7، وائے 26، شنہشاہ 2، پرائیڈ 1، آرائز سوئفٹ وغیرہ بھی کافی رقبے پر کاشت ہوتی ہیں۔ جب مونجی کی فصل پک کر تیار ہو جاتی ہے تو کسان مونجی کا ریٹ جاننا شروع کر دیتے ہیں تاکہ اچھے داموں فصل فروخت کی جا سکے۔ آج 2024 میں ہم دھان کا ریٹ جانیں گے۔
- اری 6 اور ہائبرڈ مونجی کی فی من قیمت 3300 روپے سے 3600 روپے تک ہے۔
- 40 کلوگرام سپری مونجی قیمت 3800 روپے سے 4150 روپے تک ہے۔
- سپر باسمتی 515 کی فی من قیمت 4400 روپے سے 4750 روپے تک ہے۔
- کائنات 1718 اور کائنات 1121 کے کٹر والے دھان کی فی من قیمت 4600 روپے سے 4800 روپے تک ہے۔
- کائنات 1718 اور کائنات 1121 کے ہاتھ والے دھان کی فی من قیمت 4850 روپے سے 5100 روپے تک ہے۔
- سپر 1509 اور 1692 کٹر والے دھان کی فی من قیمت 4400 روپے سے 4700 روپے تک ہے۔
- سپر 1509 اور 1692 ہاتھ والے دھان کی فی من قیمت 4750 روپے سے 5000 روپے تک ہے۔
پچھلے دو سال 2022 اور 2023 کی نسبت موجودہ سال 2024 میں دھان کی قیمت کے ساتھ چاول کی قیمت میں بھی اضافہ ہوا ہے۔